Euskal Autonomia Erkidegoak hondamendiak prebenitzera eta horiei erantzutera bideratutako legeak, estrategiak eta planak ditu, eta Eusko Jaurlaritzako sailak eta toki-administrazioak tartean sartzen dira:
Euskadiko Herri Babeseko Plana, Larrialdiei Aurregiteko Bidea-LABI: EAEko babes zibilaren esparrua
Lurralde Antolamenduaren Gidalerroak: lurzoruaren erabilera murrizteko helburua jasotzen du, dauden kalteberatasunen arabera, eta lurzorua modu egokiagoan erabiltzea, arriskua handitu ez dadin.
2050erako klima-aldaketaren Euskadiko estrategia epe luzerako helburutzat hartzen du berotegi-efektuko gasen emisioak % 80 murriztea 2050erako, bai eta euskal lurraldearen erresilientzia handitzea ere, klima-aldaketak espero dituen ondorioei aurre egiteko.
Euskal AErako eskuragarri dagoen adierazlearen fitxa metodologikoa
| Eskuragarri dagoen adierazlea |
Euskal AEk ez du estatistika jarraitu eta ofizialik egiten adierazlearen metodologiarekin |
|---|---|
| Metadatuen azken eguneratze-data | 2025/06/18 |
Atal honek Nazio Batuen adierazleari edo Europar Batasunaren Garapen Jasangarrirako adierazleari buruzko informazio gehiago ematen du, hala nola justifikazioa, nazioarteko emaitzak, metadatuak eta beste estatistika interesgarri batzuk
| Justifikazioa |
Nazio Batuen estatu-kideek 2015eko martxoan ezarri zuten Hondamendien Arriskua Murrizteko 2015-2030 aldiko Sendaiko Esparrua hondamendien arriskua murrizteko politika global gisa. Sendaiko Esparrutik espero den emaitza da “nabarmen murriztea hondamendien arriskua eta galerak bizitzetan, bizirauteko bitartekoetan, osasunean, jarduera ekonomikoetan, fisikoetan, sozialetan, kulturaletan eta ingurumenekoetan, pertsona, enpresa, komunitate eta herrialdeetan”. Sendaiko Esparruko xede orokorren artean E xedea dago: Hondamendien arriskua murrizteko nazioko eta tokiko estrategiak dituzten herrialdeen kopurua nabarmen areagotzea 2020rako. Hartara, hondamendien arriskua murrizteko nazioko eta tokiko estrategia eta politiken estaldura eta aurrerapen globala hobetu nahi dira. Hondamendien arriskua murrizteko plan, estrategia eta politika nazionalen helburuak dira hondamendien arrisku berriak prebenitzea eta daudenak murriztea, horretarako neurri integratu eta inklusiboak ezarriz ekonomian, egituran, legean, gizartean, osasunean, kulturan, hezkuntzan, ingurumenean, teknologietan, politiketan eta instituzioetan, hartara hondamendien aurreko arriskua eta zaurgarritasuna prebenitu eta murrizteko, egoera horri erantzun eta hartatik berreskuratzeko prestaketa-lana areagotzeko, eta, beraz, erresilientzia indartzeko. Adierazleak zubi-lana egingo du GJHen eta Hondamendien Arriskuak Murrizteko Sendaiko Esparruaren artean. Hondamendien arriskua murrizteko nazioko eta tokiko estrategiak ezartzen dituzten gobernu nazionalak zenbat eta gehiago izan (halaxe ezartzen du Sendaiko Esparruak), orduan eta gehiago sustatuko da garapen jasangarria, ekonomiaren, ingurumenaren eta gizartearen ikuspegitik. Iturria: Nazio Batuen Estatistika Sekzioa |
|---|---|
| Nazioarteko emaitzak | |
| NBEko/EBko metadatuetarako esteka |
Metadatuak 1-5-3.pdf (ingelesez bakarrik) |
