Jarraipena
Xedea lortuta edo lortzeko bidean
Xedea lortuta edo lortzeko bidean

Xedea: Muturreko pobrezia desagerraraztea

Azpikategoriak

Datuen desagregazioak ikusteko, aukeratu jarraian goitibeherako zerrenden kategoriak. Batzuk ez dira erabilgarri egongo goragoko mailan kategoriaren bat aukeratu arte.

Deskargatu titularren datuak (.csv) Jatorrizko datuak deskargatu (.csv)

Deskargatu desagregazioen jatorrizko datuak (.csv)

Datu nagusiak

Nazioarteko pobrezia atalasearen azpitik bizi den biztanleriaren ehunekoa
Year Value Units
2008 0.1 %
2012 0.1 %
2014 0.2 %
2016 0.1 %
2018 0.3 %
2020 0.1 %
2022 0.2 %

Eremu geografikoa:

Unitatea:

Oharra:

Euskal AErako eskuragarri dagoen adierazlearen fitxa metodologikoa

Eskuragarri dagoen adierazlea

Nazioarteko pobrezia atalasearen azpitik bizi den biztanleriaren ehunekoa
Xedea

1.1- 2030. urterako, muturreko pobrezia errotik kentzea mundu osoan (gaur egun ulertzen da muturreko pobrezian daudela egunean Ameriketako Estatu Batuetako 1,25 dolar baino gutxiagorekin bizi direnak)
Helburua

1- Pobrezia mota guztiak desagertzea mundu osoan
Definizioa

Diru-sarrera baliokidea pobreziaren nazioarteko atalasea baino txikiagoa duten pertsonen proportzioa. Muga hori AEBetako 2,15 dolarretan dago ezarrita, 2017ko erosteko ahalmenaren parekotasunean.
Formula teorikoa \[PP_{UIP}^{t} = \frac{P_{UIP}^{t}}{P^{t}} \cdot 100\]

non:

$P_{UIP}^{t} =$ pobreziaren nazioarteko atalasea (2,15 dolar/eguneko) baino diru-sarrera baliokide txikiagoa duten biztanleak, $t$ urtean

$P^{t} =$ biztanleria $t$ urtean
Aldizkakotasuna

Biurtekoa
Oharra

Diru-sarrera baliokidea etxeko diru-sarrera erabilgarria da, etxeko kontsumo-unitate kopuruaren arabera zatitua, ELGAren (Ekonomia Lankidetza eta Garapenerako Erakundea) baliokidetasun-eskala aldatua erabiliz. Helburua da tamaina eta osaera desberdina duten etxeen arteko bizi-mailak modu parekatuan alderatzea.
Datuen azken eguneratze-data 2025/05/08
Metadatuen azken eguneratze-data 2025/06/18

Atal honek Nazio Batuen adierazleari edo Europar Batasunaren Garapen Jasangarrirako adierazleari buruzko informazio gehiago ematen du, hala nola justifikazioa, nazioarteko emaitzak, metadatuak eta beste estatistika interesgarri batzuk

Justifikazioa

Pobrezia-lerroak aldatu egiten dira herrialdeen erosahalmenaren arabera, eta gradiente ekonomiko esanguratsua dute. Hori dela eta, herrialde aberatsenek bizi-estandar altuagoak ezarri ohi dituzte pobrezia zehazteko.

Hala ere, pobrezia absolutu globala kontsumoaren arabera neurtu nahi bada, beharrezkoa da oinarrizko ondasunen gainean erosahalmen berdina duten bi pertsona berdin tratatzea –biak pobreak edo biak ez-pobreak–, baita herrialde desberdinetan bizi badira ere.

Mundu Mailako Garapenari buruzko 1990eko Txostena egin zenetik, Munduko Bankuak estandar komun bat ezarri nahi izan du muturreko pobrezia neurtzeko, pobreziak munduko herrialde pobreenetan zer esan nahi duen oinarri hartuta. Herrialde desberdinetan bizi diren pertsonen ongizatea eskala komun batean neur daiteke, moneten erosahalmenean dauden aldeak doituz.

Normalean erabiltzen den estandarra eguneko dolar 1ekoa da, 1985eko nazioarteko prezioen arabera neurtua eta tokiko dibisara egokitua, erosahalmenaren paritatearen (EAP) aldaketa-tasak erabiliz. Estandar hori Mundu Mailako Garapenari buruzko 1990eko Txostenerako aukeratu zen, garai hartan diru-sarrera baxuko herrialdeetako pobrezia-lerroetan ohikoa zelako. Mundu-mailan bizitzaren kostuan dauden aldeak aldatu ahala, nazioarteko pobrezia-lerroa eguneratu egin behar da, EAP prezioen datu berriak erabilita, aldaketa horiek islatzek aldera. Azken aldaketa 2022ko irailean izan zen. Munduko Bankuak 2,15 dolar ezarri zituen nazioarteko pobrezia-lerro gisa, 2017ko EAP baliatuta.

Iturria: Nazio Batuen Estatistika Sekzioa
Euskal AEn eskura dagoen adierazlearen eta NBEko/EBko adierazlearen arteko konparagarritasuna

EAEn eskuragarri dagoen adierazleak ez ditu betetzen Nazio Batuen adierazlearen metadatuak, baina antzeko informazioa ematen du.
Nazioarteko emaitzak

Nazioarteko pobrezia-atalasearen azpitik dagoen biztanleriaren proportzioa (%) SI_POV_DAY1 UNSTATS

Munduko Bankuaren Pobreziaren eta Desberdintasunaren Plataforma
NBEko/EBko metadatuetarako esteka

Metadatuak 1-1-1 (1).pdf (ingelesez bakarrik)

Metadatuak 1-1-1 (2).pdf (ingelesez bakarrik)
Gora itzuli